ტესლა მოდელ ესი-ს ახალი რეკორდი

ტესლას ელექტრომობილების ორმა მოყვარულმა (Steven Peeters and Joeri Cools) დაამყარა ახალი რეკორდი. კერძოდ, მათ შეძლეს ტესლა მოდელ ესი ფი100დი-ს (Tesla Model S P100D) მეშვეობით ერთ დამუხტვაზე 901,2 კმ.-ის გავლა. ამისთვის მათ 23 საათი და 45 წუთი დასჭირდათ. ამასთან, საშუალო სიჩქარემ, რომლითაც დადიოდა ელექტრომობილი შეადგინა 40 კმ./სთ-ში. რა თქმა უნდა, კლიმატ კონტროლი გამორთული იყო. ტრასად გამოყენებული იყო 26 კმ.-იანი ჩაკეტილი მარყუჟის მსგავსი გზა, ბელგიაში.

წინა რეკორდი 2015 წლის სექტემბერში დაამყარა ტესლას ელექტრომობილების სხვა მოყვარულმა (Casey Spencer), ტესლა მოდელ ესი 85დი-ს (Tesla Model S 85D) მეშვეობით. მან ერთ დამუხტვაზე შეძლო 880 კმ.-ის გავლა. ამისთვის მას 26 საათი დასჭირდა. ამასთან, საშუალო სიჩქარემ, რომლითაც დადიოდა ელექტრომობილი შეადგინა 35 კმ./სთ-ში. კლიმატ კონტროლი აქაც გამორთული იყო.

ასეთი სიჩქარით თბილისიდან ბათუმში დაახლოებით 9 საათსა და 30 წუთში შეიძლება ჩასვლა (380/40).

#ელექტრომობილი #ტესლამოდელესი